Wo Zard Pat'tay Hee Mo'Atbar Thay !!

Poetry In Urdu Text

درختِ جاں پر عذاب رُت تھی

نہ برگ جاگے نہ پھول آئے 

بہار وادی سے جتنے پنچھی

ادھر کو آئے ملول آئے۔۔



نشاطِ منزل نہیں تو ان کو

کوئی سا اجرِ سفر ہی دے دو

وہ رہ نوردِ رہِ جنوں جو

پہن کے راہوں کی دھول آئے۔۔

وہ ساری خوشیاں جو اس نے چاہیں

اُٹھا کے جھولی میں اپنی رکھ لیں

ہمارے حصّے میں عذر آئے

جواز آئے ، اصول آئے

اب ایسے قصّے سے فائدہ کیا

کہ کون کتنا وفا نِگر تھا

جب اُس کی محفل سے آگئے 

اور ساری باتیں ہی بھول آئے۔۔



وفا کی نگری لُٹی تو اس کے

اثاثوں کا بھی حساب ٹھہرا

کسی کے حصّے میں زخم آئے

کسی کے حصّے میں پھول آئے۔۔



بنامِ فصلِ بہار آزر

وہ زرد پتے ہی معتبر تھے

جو ہنس کے رزقِ خزاں ہوئے ہیں

جو سبز شاخوں پہ جھول آئے۔۔

Poetry Text In Roman Urdu

Darakht-E-Jaa'n Pr Azaab Rut Thi

Naa Barg Jaagay Naa Phool Aaye

Bahaar Waadi Say Jitnay Panchhi

Idhar Ko Aaye, Malool Aaye.. !!



Nishaat-E-Manzil Nahee'n To In Ko

Koi Saa Ajr-E-Safar Hee Day Do

Wo Reh Noord-E-Rah-E-Junoo'n Jo

Pehn Kay Raaho'n Ki Dhool Aaye.. !!



Wo Saari Khushyaa'n Jo Uss Nay Chaahee'n

Utthaa Kay Jholi Me'n Apni Rakh Lee'n

Hamaaray Hissay Me'n Uzr Aaye

Jawaaz Aaye, Asool Aaye

Ab Aisay Qissay Say Faayeda Kya

Kay Kon Kitna Wafa-Nigar Tha

Jub Uss Ki Mehfil Say Aa Gaye

Aur Saari Baate'n Hee Bhool Aaye.. !!



Wafa Ki Nagri Lutti To Uss Kay

Asaaso'n Ka Bhi Hisaab Thehra

Kissi Kay Hissay Me'n Zakhm Aaye

Kissi Kay Hissay Me'n Phool Aaye.. !!



Ba'Naam-E-Fasl-E-Bahaar Aazar

Wo Zard Pat'tay Hee Mo'Abtar Thay

Jo Hans Kay Rizq-E-Khizaa'n Huye Hai'n

Jo Sabz Shaakho'n Pay Jhool Aaye.. !!

۔۔