Khoob'Soorat Tareen Larrki Thi !! [For Her Urdu Poetry]

Poetry In Urdu Text

گاوں کے بے چَراغ رَستے میں

مَیلی چَادر بِچھا کے مَٹی پر

یہ جو اَندھے اُداس دِل والی

ایک پاگل دِکھائی دیتی ہے

جِس کی بے رَبط گُفتگُو اکثر

بَام و دَر کو سُنائی دیتی ہے

جِس کی آنکھوں میں رات ڈَھلتی ہے

جِس کی شہ رَگ کے ڈھلتے موسم میں

زِندگی کی تپِش پِگھلتی ہے

جَم گئے جِس کے خُواب چہرے پر

جُھریاں ہیں بے حِساب چہرے پر

کانپتے ہاتھ جِن کے سائے پر

آخرِ شَب دُعا لَرزتی ہے

جِس کی اُکھڑی اُکھڑی سانسوں سے

روز و شَب کے بھنور گُریزاں ہیں

بُھوک جِس کے لئے غِذا جیسی

جِس کے نزدِیک پیاس پانی ہے

اُس کو عِبرت سے دیکھنے والو

اُس کے بارے میں اپنے گاؤں کے

داستاں گو بُزُرگ کہتے ہیں

یہ اکیلی اُداس بَنجارن

اب سے آدھی صَدی کے  اُس جانِب

رُوپ میں دُھوپ سے بھی اُجلی تھی

پُھول کِھلتے تھے جِس کے آنگن میں

خُوشبوؤں سے خِراج لیتی تھی

اب سے آدھی صدی کے اُس جانِب

یہ اکیلی اُداس بنجارن

خُوبصورت ترین لڑکی تھی

Poetry Text In Roman Urdu

Gaao'n Kay Be'Charaagh Rastay Me'n

Maili Chaadar Bichha Kay Matti Par

Yeh Jo Andhay Udaas Dil Waali

Aik Paagal Dikhaayi Deti Hai

Jiss Ki Be'Rabt Guft'Guu Aksar

Baam-O-Dar Ko Sunaayi Deti Hai

Jiss Ki Aankho'n Me'n Raat Dhalti Hai

Jiss Ki Shay'Rag Kay Dhaltay Mausam Me'n

Zindagi Ki Tapish Pighalti Hai

Jam Gauye Jiss Kay Khwaab Chehray Pr

Jhuriyaa'n Hai'n Be-Hisaab Chehray Pr

Kaanptay Haath Jin Kay Saaye Pr

Aakhir-E-Shab Dua Larazti Hai

Jiss Ki Ukhrri Ukhrri Saanso'n Say

Roz-O-Shab Kay Bhanwar Gurezaa'n Hai'n

Bhook Jiss Ki Ghiza Jaisi

Jiss Kay Nazdeek Pyaas Paani Hai

Uss Ko Ibrat Say Dekhnay Waalo

Uss Kay Baaray Me'n Apnay Gaao'n Kay

Daastaa'n Go Buzurg Kehtay Hai'n

Yeh Akaili Udaas Banjaaran

Ab Say Aadhi Sadi Kay Uss Jaanib

Roop Me'n Dhoop Say Bhi Ujli Thi

Phool Khiltay Thay Jiss Kay Aangan Me'n

Khushbuu-O'n Say Khiraaj Leti Thi

Ab Say Aadhi Saddee Kay Uss Jaanib

Yeh Akaili Udaas Banjaaran

Khoob'Soorat Tareen Larrki Thi.. !!

Incoming Search Terms: 
Heart Urdu Poetry [Dulhan Ko Sanwaaray Jaaye'n !!]
Life Urdu Poetry [Itna Azeem Ho Ja !!]
Dream Urdu Poetry [Aik Wehshat Hai !!]
Night Urdu Poetry [Chaand Say Bhi Koi Dil'Chaspi Nahee'n !!]
Story Urdu Poetry [Shab-E-Ghum Ki Aap'Beeti !!]
Beauty Urdu Poetry [Mai'n Tera Hussn !!
For Her Urdu Poetry [Barri Maa'Soom See !!]
Sad Urdu Poetry [Dosto'n Nay Chhorr Diya !!]
Nazam SMS [Pyaar Karnay Waalo'n Me'n !!]