Baarisho'n Ki Raat Me'n !!

Poetry In Urdu Text

خواہشیں ہوتی ہیں کیا کیا بارِشوں کی رات میں۔۔


میں ہُوں اور ہے لمس تیرا بارِشوں کی رات میں۔۔



مانگتے ہیں بھیگتی رُت کے سارے منظر تیرا قُرب


اب میں سمجھاؤں اِنھیں کیا، بارِشوں کی رات میں۔۔



تیرگی میں غم کی، سایہ بھی کہاں ہوتا ہے ساتھ


میں اگر ہوتا ہُوں تنہا، بارِشوں کی رات میں۔۔



میں یہ سمجھا یہ بھی مارا ہے کِسی کے ہجر کا


پُھوٹ کر بادل جو رویا، بارِشوں کی رات میں۔۔



دِن تو جیسے تیسے دُنیا کے جھمیلوں میں کٹا


ہِجر نے تیرے رُلایا، بارِشوں کی رات میں۔۔



منہ چُھپائے ایک کونے میں پڑا تھا، دم بخود


میری تنہائی بھی تنہا، بارِشوں کی رات میں۔۔



دامنِ قاتل پہ کوئی چِھینٹ تک آئی نہیں


یوں ہُوا خونِ تمنّا بارِشوں کی رات میں۔۔

Poetry Text In Roman Urdu

Khwaahishe'n Hoti Hai'n Kya Kya Baarisho'n Ki Raat Me'n.. !!


Mai'n Hoo'n Aur Hai Lams Tera, Baarisho'n Ki Raat Me'n.. !!




Maangtay Hai'n Bheegti Rut Kay Saaray Manzar Tera Qurb


Ab Mai'n Samjhaaoo'n Unhe'n Kya Baarisho'n Ki Raat Me'n.. !!




Teergi Me'n Ghum Ki, Saaya Bhi Kahaa'n Hota Hai Saath


Mai'n Agar Hota Hoo'n Tanha, Baarisho'n Ki Raato'n Me'n.. !!




Mai'n Yeh Samjha Yeh Bhi Maara Hai Kissi Kay Hijr Ka


Phoott Kr Baadal Jo Roya, Baarisho'n Ki Raat Me'n.. !!




Din To Jaisay Taisay Dunya Kay Jhamelo'n Me'n Katta


Hijr Nay Teray Rulaaya, Baarisho'n Ki Raat Me'n.. !!




Munh Chhupaaye Aik Konay Me'n Parra Tha, Dam-Ba'Khud


Meri Tanhayi Bhi Tanha, Baarisho'n Ki Raat Me'n.. !!




Daaman-E-Qaatil Pay Koi, Chheentt Tak Aayi Nahee'n


You'n Hua Khoon-E-Tammana, Baarisho'n Ki Raat Me'n.. !!