Aa Laga Jungle Dar-O-Deewaar Kay Saath !!

Poetry In Urdu Text

آ لگا جنگل در و دیوار کے ساتھ




اپنے آپ کو ایک شعلہ بیاں مقرر سے

بمشکل بچاتے ہوئے

لوگوں اور جھانسوں کی بھیڑ سے نکل تو آیا

لیکن باہر آکر پتہ چلا

کہ میرے پاؤں میری ٹانگوں کے ساتھ نہیں ہیں

میں واپس پلٹا

اور خاصی کوشش کے بعد صرف جوتے تلاش کر سکا

سڑک پار کرتے ہوئے

ایک رفتاری گاڑی کی زد میں آیا تو بچ نہ سکا

گاڑی مجھے اُچھال کر دُور پھینک گئی

اور جاتے جاتے میری ٹانگیں اپنے ساتھ لے گئی

میرے جُوتے وہیں پڑے رہ گئے

اور مُجھے ہسپتال پہنچا دِیا گیا

جہاں میری آنکھ

میری بے ہوشی کے عالم میں عطیے کے طور پہ لے لی گئی

کچھ دِنوں بعد ہسپتال س ےفارغ ہو کر نِکلا

تو ایک جیب کترے سے ٹکرا گیا

جو جیب کو بالکل خالی پا کر

میری انگلیاں ہی کاٹ کر لے گیا

میں رپورٹ درج کرانے گیا تو

محافظوں نے کہا

کہ حالات ایسے نہیں کہ کوئی بھی

اتنے صحیح سلامت بازُو کُھلے عام ساتھ لئے پھرے

اور پھر اُنھوں نے احتیاطً میرے ہاتھ جسم سے کاٹ کے اپنے

مال خانے میں رکھ لئے

وہاں سے چلا اور بازار میں آیا

تو جگہ جگہ اشتہاروں، بینروں سے دیواریں بھر نظر آئیں

جن میں ایمان والوں سے

ملک، قوم اور مذہب کے نام پر

سروں اور گردنوں کی قربانی پیش کرنے کی اپیلیں کی گئی تھیں

اِس سے پہلے کہ کچھ سمجھتا یا سوچتا

عقیدوں اور نظریات کا ایک اژدہا مجھ پر حملہ آور ہو چکا تھا

جو بالآخر میرا سر میرے تن سے جدا کر کے لے گیا

میں لڑکھڑایا اور زمین پر آرہا

دو تین پتھریلی ایڑیاں مُجھے کُچلتے ہوئے گزر گئیں

ابھی کچھ دیر نہیں ہوئی تھی کہ

دو یخ برفیلے ہاتھوں نے اٹھایا میرا کٹا پھٹا اور ٹُوٹا پُھوٹا بدن

اور ہاتھ سے دھکیلے جانے والے ایک چھوٹے سے لکڑی کے چھکڑے پر لِٹا دِیا

چھکڑا ہِلا اور ایک سمت دھکیلا جانے لگا

ساتھ ہی ایک آواز میرے کانوں میں پڑی

"دے غریب کو اللہ تجھے ساری دنیا کی بادشاہت دے"

"دے غریب کو اللہ تجھے زندگی میں کوئی دکھ نہ دے"

کچھ ہی دیر بعد

چھوٹے چھوٹے سِکے میر ےشکستہ جسم پر گرنے لگے

Poetry Text In Roman Urdu

Aa Laga Jangal Dar-O-Deewaar Kay Saath




Apnay Aap Ko Aik Sho'la Bayaa'n Muqarar Say

Ba'Mushkil Bachaatay Huye

Logo'n Aur Jhaanso'n Ki Bheerr Say Nikal To Aaya

Lekin Baahar Aa Kar Pata Chala

Kay Meray Paao'n Meri Taango'n Kay Saath Nahee'n

Mai'n Waapas Paltta

Aur Khaasi Koshish Kay Baa'd Sirf Jooty Talaash Kar Saka

Sarrak Paar Kartay Huye

Aik Raftaari Gaarri Ki Zad Me'n Aaya To Bach Na Saka

Gaarri Mujhay Uchhaal Kar Door Phaink Gayi

Aur Jaatay Jaatay Meri Taange'n Apnay Saath Lay Gayi

Meray Jootay Wahee'n Parray Reh Gaye

Aur Mujhay Haspataal Pohncha Diya Gaya

Jahaa'n Meri Aankh

Meri Be'Hoshi Kay Aalam Me'n Atye Kay Tor Pay Lay Li Gayi

Kuchh Dino'n Haspataal Say Faarigh Ho Kar Nikla

To Aik Jaib Katray Say Takra Gaya

Jo Jaib Ko Bilkul Khaali Paa Kar

Meri Ungliyaa'n Hee Kaatt kar Lay Gaya

Mai'n Report Darj Karaanay Gaya To

Muhaafzay Nay Kaha

Kay Haalaat Aisay Nahee'n Kay Koi Bhi

Itnay Sahee'h Salaamat Baazoo Khulay Aam Saath Liye Phiray

Aur Phir Unho'n Nay Ahtyaatan Meray Haath Jissm Say Kaatt Kay Apnay

Maal Khaanay Me'n Rakh Liye

Wahaa'n Say Chala Aur Baazaar Me'n Aayaa

To Jaga Jaga Ishtahaaro'n, Bannero'n Say Deewaare'n Bhar Nazar Aaye'n

Jin Me'n Eemaan Waalo'n Say

Mulk, Qaum Aur Mazhab Kay Naam Par

Saro'n Aur Gardano'n Ki Qurbaani Pesh Karnay Ki Apeale'n Ki Gayi Thee'n

Iss Say Pehlay Kay Kuchh Samajhta Yaa Sochta

Aqeedo'n Aur Nazriyaat Ka Aik Axzdaha Mujh Par Hamla Aawar Ho Chuka Tha


Jo Bil'Aakhir Mera Sar Meray Tan Say Juda Kar Kay Lay Gaya

Mai'n Larr'Kharraaya Aur Zameen Par Aa Raha

Do(2), Teen(3) Pathreeli Airriyaa'n Mujhay Kuchaltay Huye Guzar Gayee'n

Abhi Kuchh Der Nahee'n Huyi Thi Kay

Do Yakh Barfeelay Haatho'n Nay Uthaaya Mera Katta Phatta Aur Toota Phoota Badan

Aur Haath Say Dhakelay Jaanay Waalay Aik Chhottay Say Lakrri Kay Chhakrray Par Litta Diya

Chakrra Hilaa Aur Aik Simt Dhakela Jaanay Laga

Saath Hee Aik Aawaaz Meray Kaano'n Me'n Parri

"Day Ghareeb Ko Allah Tujhay Saari Dunya Ki Baad'Shaahat Day"

"Day Ghareeb Ko Allah Tujhay Zindagi Me'n Koi Dukh Na Day"

Kuchh Hee Der Baa'd

Chhottay Chhottay Sikkay Meray Shikasta Jism Par Girnay Lagay.. !!