Tuu Na Aaye Ga, Teri Yaad Chali Aaye Gi !!

Poetry In Urdu Text

آج پھر بادِ بہاراں نے مرے کانوں میں



چپکے چپکے سے ترے آنے کا پوچھا مجھ سے



پوچھا، سندیسہ کوئی، چِٹھی کوئی آئی ہے؟



گُنگناتے ہوئے جھرنوں نے ذرا تھم تھم کے



پوچھا، ساجن کی خبر بولو کہیں پائی ہے؟



آج پھر رتجگا آنگن میں مرے اُترے گا



آج پھر نیند کی دیوی مرا گھر بُھولے گی



آج پھر چاند کے چہرے کا یہ ان چُھوا طلسم



مجھے دیکھے گا تو بس دیکھتا رہ جائے گا



آج پھر بھور بھئے تک تیری باتیں خود سے



اپنی تنہائی سے کرتی ہی چلی جاؤں گی



آج پھر بِرہا کی ماری ہوئی بدلی کوئی



میری آنکھوں میں جو جھانکے گی، ٹھٹھک جائے گی



آج پھر دیر تلک، دیر تلک، دیر تلک



!! تُو نہ آئے گا، تیری یاد چلی آئے گی۔۔

Poetry Text In Roman Urdu

Aaj Phir Baad-E-Bahaaraa'n Nay Meray Kaano'n Me'n


Chup'Kay Chup'Kay Say Teray Aanay Ka Poochha Mujh Say


Poochha, Sandesa Koi, Chitthi Koi Aayi Hai?


Gun'Gunaatay Huye Jharno'n Nay Zara Tham-Tham Kay


Poochha, Saajan Ki Khabar Bolo Kahaa'n Paayi Hai?


Aaj Phir Rat'Jaga Aangan Me'n Meray Utray Ga


Aaj Phir Neend Ki Dewi Mera Ghar Bhoolay Gi


Aaj Phir Chaand Kay Chehray Ka Yeh An'Chhuwa Talism


Mujhay Dekhay Ga To Bss Dekhta Reh Jaaye Ga


Aaj Phir Bhoor-Bhaye Tak Teri Baate'n Khud Say


Apni Tanhaayi Say Karti Hee Chali Jaaoo'n Gi


Aaj Phir Birhaa Ki Maari Huyi Badli Koi


Meri Aankho'n Me'n Jo Jhaankay Gi, Tha'Thak Jaaye Gi


Aaj Phir Der Talak, Der Talak, Der Talak


Tuu Na Aaye Ga, Teri Yaad Chali Aaye Gi.. !! :(